Ipmila dovdan

Ipmil viggá máŋgga láhkái almmuhit iežas midjiide ja buktit min iežas oktavuhtii. Luondduriika sártnoda. midjiide oruskeahttái. Ipmila ráhkisvuohta ja gudni, nu mo dat leat oaidnimis su bargguin, dŕhket rabas váibmui stuorra váikkuhusa. Guldaleaddji beallji sáhttá gullat ja áddet, go Ipmil sártnoda midjiide luondduriikka bokte. Ruonas giettit, alla muorat, urbbit ja lieđit, johtti balvvat, arvi, buljardeaddji ája ja almmi čáppisvuohta hálahit min váimmuid ja bovdejit min oahpásmuvvat sutnje, gii daid visot lea sivdnidan.

Beasti čuvgii divrras oahpahušaidis luondduriikkas váldojuvvon veardádusaiguin. Muorat, cizážat legiid hearvarásiid, čomat, jávrrit ja čáppa albmi nugo maiddái beaivválaš eallima dáhpáhusat ja dilálašvuođat sáhtte laktásit duohtavuođa sátnái, vai dan oahpahusat buorebut badjánivčče olbmo millii juoba eallima váivviin ja morrašiinge.

Ipmil háliida, ahte su mánát atnet árvvus su bargguid ja illudit dan dábálaš, jaskes čábbodagas, mainna son lea čiŋahan min eatnanlaš ruktomet. Son illuda čábbodagas, ja eanet go mange olgguldas čábbodaga son ráhkista olbmo luonddu čábbodaga. Son háliidivččii min oahpahallat buhtesvuođa ja vuoilegašvuođa, liđiid jaskes sulolašvuođa.

Jus mii beare viššat guldalit, de Ipmila sivdnádusat addet midjiide jegolašvuođa ja luohttámuša divrras oahpahusaid. Buot luondu: násttit, mat almmi gomuvuođas áiggis áigai johtet mearriduvvon johtolagaideaset ja buot uhcimus atomat jeagadit Sivdnideaddjiset dáhtu. Ja Ipmil birgeha buot sivdnádusaidis ja daid fuolaha. Son, guhte bajásdoallá lohkameahttun máilmmiid almmiviidodaga ravddabis gomuvuođas, son dan seammás fuolaha uhca ránescizi dárbbuin, go dat vižarda iežas ovttageardán lávlaga baluid baga. Go olbmot mannet beaivválaš bargguidasaset dahje go sii rohkadallet, go sii eahkedis nohkadišgohtet dahje go sii iđedis lihkket, go rikkis lea doallamin rie muid gárdimisttis dahje go geafi čohkke mánáidis ovttageardán mállásiidda, de almmálas Áhčči atná fuola sis buohkain. Oktage ganjal ii golgga su fuomáškeahttái, iige oktage gease moji su dieđekeahttái.

Jus mii beare ollásit dán oskkošeimmet, de jávkkašedje buot joavdelas morrašat. Mii eat šattaše nu dávjá go dál beahtahallat, dasgo buot, sihke stuorit ja smávit áššit, bázášedje dalle Ipmila háldui, guhte ii ráđihuva dahje vuorrástuva morrašiid deattu vuolde. Dalle mii sáhtášeimmet illudit sieluráfis, maid ollugat eai leat dovdan guhkes áigái.

Go don luonddu čabbodaga áiccadettiinat das sakka illudat, de galggatmat jurddašit boahttevaš máilmmi, maid suddu ja jápmin eaba beasa billistit, ja gos garuhusa suoivva ii govčča luondduriikka. Govahala, makkár lea bestojuvvon olbmuid siida, ja muitte ahte duođalaččat dat lea olu hearváset go don oppa nagodat jurddasitge. Ipmila máŋggalágán attáldagain mii beassat dušše fal guopmat su čuovgga. Lea čállojuvvon: "Maid oktage čalbmi ii leat oaidnán, iige oktage beallji leat gullan, ja mii ii leat badjánan guđege olbmo váibmui, ja maid Ipmil lea sidjiide ráhkadan, guđet su ráhkistit" (Paulus 1. Kor. 2: 9).

Diktačálliin ja luonddudutkiin lea olu muitaleamošin luondduriikka birra, muhto kristtalaš olmmoš eatnama čábbodagas illudettiinis addá dasa eanemus árvvu dainna go son atná dan Ipmila sivdnádussan ja oaidná su ráhkisvuođa rásiin, miestagiin ja muorain. Oktage ii sáhte dievaslaččat áddet váriid ja vumiid, jogaid ja jávrriid mearkkašumi, ovdal go son daid oaidnigoahtá Ipmila ráhkisvuođa mearkan olbmuide.

Ipmil sárdnu midjiide sállemuša bokte ja Vuoiŋŋa duoji bokte váimmus. Iehčamet beaivválas dilis ja birrasis, dain molsašumiin, mat juohke beaivve dáhpáhuvvet, mii oažžut divrras oahpahusaid, jus min váibmu beare lea rabas daid vuostáiváldit. Sálbmačalli dovdá Ipmila láidejumi váikkuhusa cealkkedettiinis: "Eanan lea dievva Hearrá árbmugasvuođas" (Sálmmaid g. 33: 5). "Guhte viissis lea, son vuhtiiváldos dan ja fuopmášehkos Hearrá árpmudaguid" (Sálmmaid g. 107: 43).

Ipmil sárdnu midjiide sánis bokte. Das su luondu lea midjiide ain čielgaseappot almmuhuvvon, maiddái su meannudeapmi olbmuiguin ja su stuorra lonistanbargu. Das midjiide muitaluvvo bajimuš báhpaid, profehtaid ja dološ áigge eará bassi olbmáid historjá. Sii ledje olbmot, geat ledje "ovttalágáš dili vuloš minguin" (Jak. 5: 17). Mii oaidnit, mo sii sohte seammalágán váttisvuođain go miige, mo sii geahčča luvvojedje seamma láhkái go miige, muhto liikká ain ođđasis arvvosmedje ja šadde Ipmila árpmu bokte vuoitin. Sin oainnedettiin mii oažžut arvvosmahtto jumi geahččalettiineamet juksat vánhurskkisvuođa. Go mii lohkat sin oassin boahtan divrras dovddii dusain ja sidjiide juolluduvvon čuovggas, ráhkisvuođas ja buressivdnádusas ja barggus, man sii nagadedje bargat Ipmila árpmus, de dat seamma vuoigŋa, mii ávžžui sin, cahkkeha minge váimmuin bassi gilvvohallanmiela ja háliidusa šaddat luonddusteamet sin láhkásažžan - vádjolit Ipmiliin dego sii dahket.

Jesus celkkii Boares testamentte čállagiid birra - ja man olu eanet dat doalláge deaivása Ođđa testamentte birra: "Dat dat duođaštit mii birra" (Joh. 5: 39), Lonisteaddji birra, gean ala mii bidjat doivomet agálaš eallimis. Oppa Biibbal duođašta Kristusa birra. Vuosttaš sivdnidanmuitalusa rájes - dasgo "almmá su haga ii leat mihkkege šaddan das mii lea" (Joh. 1: 3) - gitta maŋimuš lohpádusa rádjái: "Geahča, fargga mun boađan" (Joh. almmustus 22: 12), mii lohkat su daguid birra ja gullat su jiena. Jus háliidat oahpásmuvvat Beastái, de guorahala bassi čállaga.

Deavdde váimmot Ipmila sániin. Dat lea dat eallinčáhci, mii du buolli goikku čáskada. Jesus cealká: "Jus dii ehpet bora Olbmo Bártni oačči ja juga su vara, de din siste ii leat eallin." Ja son čilge sániidis: "Dat sánit, maid mun sártnun didjiide, leat vuoigŋa ja eallin" (Joh. 6: 53, 63). Min rumaš lea ráhkaduvvon das maid mii borrat ja juhkat; seamma láhkái lea lunddolaš ja vuoiŋŋalaš áššiid ahtanuššamis: dat maid mii guorahallat ja jurddašit, addá luonddu ja fámu min vuoiŋŋalaš eallimii.

Lonástus lea dakkár ášši, man eŋgelatge háliidit guorahallat. Dan bestojuvvon eŋgelat galget guorahallat ja dan birra lávlut agálašvuođa nohkameahttunvuođas. Iigo dat ain dálge ánssásivčče dárkilis suokkardeami ja guorahallama? Jesusa nohkameahttun árkkálmastinvuohta ja ráhkisvuohta, dat oaffar, maid son min ovddas lea addán, gáibida ain dálge čiekŋalis ja duođalaš guorrahallama. Mii galggašeimmet jurddašaddat min ráhkis Lonisteaddjámet ja Ovddasrohkadallámet luonddu. Mii galggašeimmet smiehttat su ulmmi, go son bođii beastit olbmuid suttus. Go mii nu dutkat almmálaš áššiid, de min osku ja ráhkisvuohta nanosma, ja min rohkosat šaddet Ipmilii buorredohkálaččabun, dasgo daid ealáskahttá eambo ahte eambo osku ja ráhkisvuohta. Dat šaddet jierpmálažžan ja áŋgireabbon. Min luohttámuš Jesusii stáđásma, ja mii oažžut beaivválaččat dovdat su ealli fámu beastit buohkaid, geat su bokte Ipmila lus a bođežit.

Go mii smiehttat Beasti dievaslašvuođa de mii háliidit ollásit nuppástuvvat ja ođasmuvvat su buhtis ovdagova mielde. Min siellu goiká ja nealgu háliidusas šaddat su láhkásažžan, geasa mii leat mielaid. Mađi eambbo min jurdagat leat Jesusis, dađi eambbo mii sárdnut su birra earáide ja leat su ovddasteaddjin máilmmis.

Biibbal ii leat čállojuvvon dušše oahppan olbmuid várás, muhto áibbas nuppegežiid, dat lea jurddašuvvon dábálaš olbmuide. Bestojupmái vealtameahttun stuorra duohtaáššit leat almmuhuvvon beaivvisealvves čielggasvuođain; iige oktage sáhte meaddáduvvat iige čádjidit, earret go dalle jus son čuovvula su iežas jurddabálgaid iige Ipmila dáhtu, mii lea čielgasit almmuhuvvon.

Mii eat galgga luohttit ovttage olbmo duođaštussii Biibbala oahpahusain, muhto mii berrešeimmet ieža guorahallat Ipmila sáni. Jus mii diktit earáid jurddašit iehčamet beales, de mii mannat maŋos ja návccahuvvat. Jus mii eat hárjet vuoiŋŋalaš návccaideamet áššiin, mat leat dutkan veara, de dat sáhttet hedjonit dan muddui, ahte eat šat adde Ipmila sáni čiekŋalis oaivila. Min áddejupmi viidána guorahaladettiineamet Biibbala sierra áššiid gaskavuođaid, veardádaladettiineamet čálabáikkiid čálabáikkiiguin ja vuoiŋŋalaš áššiid vuoiŋŋalaš áššiiguin.

Mihkkege ii gievrut jierpmi eanet go čállaga guorahallan. Ovttage eará girjjis ii leat dakkár fápmu bajidit jurdagiid ja basttálmahttit sielunávccaid go Biibbalis dan viiddis ja alla duohtavuoda sániiguin. Jus Ipmila sátni guorahallojuvvošii nu mo dan berrešii dahkat, de olbmuin livččii viiddis áddejupmi, buorre ja alla luondu ja dakkár oaiviliid nanusvuohta, mii dálá áigge hui hárve dihtto.

Muhto hohppos Biibballohkamis ii leat olus ávki. Olmmoš sáhttá lohkat Biibbala čađa oainnekeahttá dan čabbodaga dahje áddekeahttá dan čiekŋalis ja čiegus mearkkasumi. Ovtta áidna biibbalcealkagis, go dat dutkojuvvo dassážii, go dan mearkkašupmi ja gaskavuohta beastináigumuššii lea šaddan čielggasin, lea eanet árvu go máŋggaid kápihttaliid ulbmilkeahtes lohkamis, mii ii leat maninge bajásčuvgehussan. Ane Biibbala iežat olámuttos, ja loga dan, go dus lea dilálašvuohta dasa; oahpa čalabáikkiid bajil. Juobe geainnu alde váccedettiinat don sáhtát lohkat muhtun biibbalcealkaga, smiehtadit dan ja dan láhkái bidjat dan muitui.

Mii eat juvssa viissisvuođa almmá duođalaš beroštumi ja rohkosiiguin guorahallama haga. Muhtin oasit Ipmila sánis leat nu čielgasat, ahte daid ii sáhte áddet boastut, muhto de leat nuppit, maid mearkkašupmi ii leat govdilasas, nu ahte olmmoš ovttatmano fuomášivččii dan oaivila. Čalabáikkiid ferle veardádallat gaskaneaset. Daid ferle dárkilit dutkat ja rohkadallamiin smiehttat. Dákkár biibballohkan bálkkašuvvo valljugasat. Seamma láhkái go ruvkebargi gávdná divrras metállasuonaid, mat leat čihkosis eatnama vuolde, nu songe, guhte áŋgirit ohcá Ipmila sáni čihkkojuvvon riggodagaid, gávdná das divrras duohtavuođaid, maid fuollameahttun ohcci ii fuomáš. Ipmila arvvosmahtti sátni, mii váimmus guorahallojuvvo, lea dego rávdnji, mii golggiida eallima ádjagis.

Biibbala ii galggaše goassege dutkat rohkadalakeahttái. Ovdal go mii rabastit Biibbala, de mii galggašeimmet bivdit Bassi Vuoiŋŋa čuvgehusa, de dat addojuvvo. Go Natanael bođii Jesusa lusa, de Beasti celkkii: "Geahča, duohta israellaš, gean duohken ii leat behtolašvuohta!" Natanael jearai: "Mas don mii dovddat?" Jesus vástidii: "Ovdal go Filip du rávkkal, go don ledjet fihkonmuora vuolde, de mun oidnen du" (Joh. 1: 48, 49). Jesus oaidná min maiddái dalle, go mii leat čihkosis rohkadallamin, jus mii bivdit sus čuovgga duohtavuođa oaidnima várás. Čuovgasa máilmmi eŋgelat leat ovttas singuin, geat vuollegis váimmuin rohkadallet Ipmilis láidejumi.

Bassi Vuoigŋa alida ja hearvásin dahká Beasti. Bassi Vuoiŋŋa doaibman lea ovdanbuktit Kristusa, su buhtis vánhurskkisvuođa ja dan stuorra bestojumi, mii midjiide lea su bokte addojuvvon. Jesus cealká: "Son váldá das mii lea mii, ja muitala didjiide" (Joh. 16: 14). Duohtavuođa Vuoigŋa lea Ipmila duohtavuođa áidna beaktilis oahpaheaddji. Vuoi, man alla árvvus Ipmil leage atnimin olmmošsohkagotti, go son dan ovddas attii Bártnis jápmimii, ja mearridii Vuoiŋŋas olbmuide oahpaheaddjin ja oktilaš ofelažžan.